நிழற்சிற்பிகள்

அத்தனை கனவும் உடைந்தது
இருட்டும் என் மேல் விரிந்தது
இன்பம் எல்லாம் தொலைந்தது
வாழ்வும் இலக்கின்றி அலைந்தது
உன்னை காதலித்த ஒரு காரணம்
தனிமைக்கு நான் உதாரணம்

காதல் என்னும் கண்ணாடி கோட்டை
கண்ணில் வைத்தேன் புது பாட்டை
கல்லொன்று எறிந்தாய் சிதறியது
விழிகளில் உதிரம் வழிகிறது
நேற்றுவரை என் இதயத்தில் எனக்கே இடமில்லை
இன்று நான் பார்க்கிறேன் எவருமே இல்லை
நாகத்தின் மூச்சாய் விஷம் கக்கி தவிக்கிறேன்
நீரில்லா கடல் போல பாலையாய் விரிகிறேன்
நடக்காத கனவில் நம்பிக்கை வைத்தேன்
எழுதாத கடிதத்தில் நலம் கேட்டு வைத்தேன்

இத்தனை தொலைவிலா நீ இருப்பாய் ?
பயணத்தின் பாதியிலே இரவு மண்டியது!
அத்தனை கனவும் உடைந்தது
இருட்டும் என் மேல் விரிந்தது !!