நிழற்சிற்பிகள்

அடர்ந்த இரவின் முதுகில் பயணிப்பவனுக்கு
என் சன்னல் கம்பிகளுக்கிடையில் என்ன வேலை ?
இருட்டின் கருமையில் அஞ்சி தலையணையில் முகம் புதைக்கையில்
மூச்சுக்காற்றாய் வந்து தழுவிக் கொள்கிறான்.
மூடு பனியின் கற்றைகள் என சிலிர்த்தெழுந்து தாவணியின்
கோட்டையை தகர்த்தவன்.
காணா இருட்டில் காய்ந்த இலைகளின் சலங்கை பூட்டியலைகிறான்.
ஒழுக்கமற்றவன், பிறன் மனையென தெரிந்தே தழுவுகிறான்.