நிழற்சிற்பிகள்

இயேசுவின் இரத்தம் புத்தரின் இதயத்திலிருந்து வழிந்தால் என்ன செய்வேன்
அல்லாவின் கருணையை ஆண்டாள் கொண்டிருந்தால் என்ன செய்வேன்
ஃப்ரியாவின் காமம் ரதியிடம் பொங்கினால் என்ன செய்வேன்
தோரின் வீரம் கந்தனிடம் கணன்றால் என்ன செய்வேன்
ரோசிக்ரூசியனின் சிலுவையில் இயேசு அறையபட்டால் என்ன செய்வேன்
ஃப்ரீ மேசானின் மூன்றாம் கண் சிவனின் நெற்றியிலிருந்தால் என்ன செய்வேன்
பிரமிடுகள் கோவிலின் கோபுரம் போல் தெரிந்தால் என்ன செய்வேன்
ஆபிரகாமும் இப்ராஹிமும் ப்ரஹ்மமும் ஒன்றென்றால் என்ன செய்வேன்
சாராவும் சராயும் சரஸ்வதியும் ஒன்றென்றால் என்ன செய்வேன்
கடவுள் தான் நானென்றால் என்ன செய்வேன்
நான் தான் கடவுளென்றால் என்ன செய்வேன்
நாளை இல்லையென்றால் என்ன செய்வேன்
நானே இல்லையென்றால் என்ன செய்வேன்