ஆதலால் காதல் செய்வீர்!!

இங்கே ஒருவன் கூவிக்கொண்டிருக்கிறான் 
ஒரு பெண்ணை ஏலம் விட்டு.
வாங்க எத்தனிப்பவனும் 
வாங்க வேண்டாமென்பவனும் 
அவளின் அங்கம் முதல் வலிமை வரை உற்று நோக்கினர் 
அவள் மட்டும் தலை குனிந்து.
விம்மி நிற்கும் மார்பு எவன் கவனத்தையும் ஈர்த்துவிடாமலிருக்க 
தோள்களை குறுக்கிக்கொண்டிருந்தாள் அவள்.
உயர்ந்த இடத்தில் அவளை நிறுத்தி வைத்திருந்தான் ஏலக்காரன்,
அவள் எல்லோர் பார்வையிலும் படுவதற்காக மட்டும்.
உரக்க கத்திக்கொண்டிருந்தான் ஏலக்காரன், நிற்பவள்
உள்ளே எழும் மனத்தின் பேரலறல்கள் கேட்டுவிட கூடாதெனவோ!
நடு சபையில் ஆட வேசியே வேண்டாதிருக்கும் சமூகம் வேண்டும் நான்
மனையாள் தேட சபை நாடுதளையும் அனுமதிப்பேனோ ?
இனியும் பெண்ப் பார்த்தல் என பிதற்றாதே பெரும் நட்பே.
பெண்மையை அடைதலிலும் அழகாம் நாடுதல்.
ஆதலால் காதல் செய்வீர்!!